: بسم الله ’
.
يالله حيّ كلٍ بإسمه
إن شاء الله الجميع بخير !
.
شفت تفآعل روّاد القسم وغيرهم على موآضيعي السابقة , و قلت لازم اعطيهم اللي عندي , يستآهلون والله
.
ذالمرة عندي لكم سالفتين :
(1)
يسولف علينآ هاك الوآحد , يقول ان فيه شآيبٍ ملكّع و مآسك ريآله (بخيل) ومع ذلك يجيب حِكّم , مع ان وجهه مُب وجه حِكّم
يقول جآه وآحد و طق عليه الباب , سلام وعليكم السلام , اقلط قال له انا عجل وبمشي ..
قال الشايب : وش بغيت ؟
قال رفيقه : ابد ما عندي إلا سلامتك يا ابو فلان , مير اني محتاج مبلغ و ما يجي آخر الشهر إلا هو عندك
قال الشايب : إن قلت ماعندي فأنا اكذب عليك , انا بخير ونعمه
ان ما عطيتك بتزعل و ان سلفتك وجيت اطلب حلالي بتزعل صح ولا لا !؟
قال رفيقه : لا لا ما تآصل كذا
قال الشايب : اقول ياللحية الغانمة , دآم الزعل حآصل حاصل , ازعل انت و فلوسي عندي و لا ازعل انا و فلوسي عندك
ورضى خويه بكلامه المُقنع و راح ..
طرده بطريقه مؤدبه , ماقال ماعندي
.
(2)
هذا واحد يحدّث بيوم جمعه في مسجد ديرةٍ قديمه , واللي يصلون كلهم على ماقالوا , رجل في الدنيا ورجل في القبر , شيّاب منتهين كلهم
قال اللي يخطب : ويرّصُ على الميتِ في قبره بسبع البنات (غلط في كلمة لُبينات وقال البنات ) ..
إلا فيه شايب هواوي في الصف الأول متلفلف بمشلحه وغاطّة النوم , ولا لقط من الخطبه إلا كلمه البنات , وفز قلبه
قال بصوت مرتفع : ياااااا للللللله من فضلك <-- نسأل الله السلامه
ههههههههههههههههههههههههههههه
.
هذا اللي عندي لكم , و إلى لقاء قريب إن شاء الله
لا تحرموني ردودكم ولا تقييمكم
إسلموا وسلّموا
موضوع: سوالـــف حلـــوين 
